【Dr Chester.美肌同學會】美白要留意的5件事 | 護膚知識小教室

【護膚知識小教室】-12

美白要留意的5件事

夏天一嚟,人人都會注重美白。而你自己又會點樣去美白呢?今日想同大家講下美白要留意嘅5件事。

1. 選擇高系數的防曬
曬黑嘅主要原兇就喺紫外線,加上夏天嘅太陽特別猛烈,所以外出嘅時候記住一定要搽反防護系數高 例如SPF30-50++++的防曬。咁就無論喺室外定室內都唔怕被太陽曬黑啦!不過記住要定時補搽防曬,否則都會有變黑嘅機會。

2. 定時去角質
皮膚如果暗啞無光,可能係你皮膚嘅老廢角質層堆積而令皮膚望落無光澤感。我地一定要定時去角質先可以減少黑色素喺表層聚集,皮膚先會變得更加乾淨同光澤。

3. 補充維他命C
維他命C能夠有效抑制酪胺酸酶活性,進而抑制黑色素生成。而我地日常可以透過一些蔬果去攝取維他命C,例如:檸檬、蕃茄、車厘子同藍苺等等。多食維他命C嘅食物對肌膚都有一定嘅幫助。

4. 充足的睡眠
良好嘅生活作息能夠令皮膚變得更好。如果經常捱夜,就好容易令黑色素聚集喺皮膚上,令皮膚變得暗啞。所以充足睡眠對不但對皮膚好,更對身體各個部位更有時間休息。

5. 切勿貪求快速見效
美白並唔係一朝一夕嘅事,必須透過時間而慢慢變白。唔好盲目相信坊間稱一日見效嘅美白療程,絕對是假的。美白最重要喺持之以恆,只要選擇反適合自己嘅護膚品再堅持使用一段時間,相信會慢慢見效。另外在選擇美白成分時都要留意好似麴酸、甘醇酸同維他命C等都會帶有刺激性,所以用上塊面前記住先喺手部位置試下,避免發生敏感情況。有時貪快,反而會得不償失㗎。

以上5點就係美白嘅過程中可以留意嘅事情,希望各位都能夠白白淨淨過夏天啦。

*以上內容只供參考,護膚功效會因人而異,個別情況需向個人醫生諮詢。
————————————————————————

想留意更多關於護膚資訊,追蹤 Dr Chester.美肌同學會吧!

.Facebook : https://www.facebook.com/drchesteryau​​​

.Instagram : https://www.instagram.com/drchester.skincare

.Margo Clinic : https://margo.hk/​​​

.Linktree : https://linktr.ee/drchesterskincare

#hkbeauty #skincare #drchester #margoclinic #痘印 #美白 #防曬 #維他命C #去角質 #面部清潔 #毛孔 #成分 #成分知識 #護膚 #皮膚 #保養 #美肌 #小知識 #醫美 #醫美保養 #美肌同學會